24小时在线
24小时在线
相信好多街坊
平时喺街上经常会听到
“收买烂野，电视机空调”等等嘅叫卖声
咁有一种，相信大家都会听过
咁就係买“蚂蚁药 蟑螂药 臭脚药”之类嘅啦
唔知各位街坊会唔会去买哩
近日有报料就同我哋讲：
因为用咗一种街上买嘅脚气嘅药
搞到他宜家要毁容！
1额头脱皮治不好，“脚气神油”试一试
张先生就同我哋讲：
自己额头嘅头皮原本冇几大问题
就係好似缺少咗D维生素
有小小轻微嘅起皮现象
因为自己之前食咗医院开嘅药
但係都未能改善佢额头脱皮嘅现象
而且张先生一直以为自己係生癣
所以当佢听到街上小贩卖嘅
“脚气神油”
有抗菌消炎治癣嘅作用嘅时候
张先生就打算试一试
张先生话
佢当时亦都问过小贩
哩D“脚气神油”能否治理佢额头嘅情况
卖药嘅小贩就话可以
跟住张先生就买咗哩种
所谓嘅“脚气神油”
2
一试之后更糟糕
最后
张先生就花咗10几蚊
买咗一盒翻来试下
点知搽咗小小落去之后
原本脱皮嘅地方
就烧成咗一大片
7月10号
当记者再一次去到张先生屋企嘅时候
就睇到佢额头原本发红嘅位置
已经变暗变黑咗唔少
相比以前嘅情况
宜家已经严重咗好多
3
医生诊断：刺激性皮炎
张先生同我哋讲
佢已经去过皮肤研究所睇过啦
医生话佢嘅皮肤已经萎缩，凹陷咗
而且张先生已经去过好多
医院嘅皮肤专科睇过
医生都话佢嘅额头部分出现红斑糜烂
诊断为刺激性皮炎
并唔係俗称嘅“牛皮癣”
事实上
张先生已经联系过
“脚气神油”包装上写住嘅联系人
并且将拍摄有自己额头同埋
医院诊断嘅图片发咗过去
结果对方嘅回应
就令到张先生非常恼火
张先生话
商家承认哩种药係佢哋生产嘅
但係商家表示张先生哩种情况
属于正常反应
后来张先生多次联系过
哩个山东临汾“脚气神油”嘅商家
但係对方只要睇到係来自广州嘅电话
就即刻将来电挂断
随后
G4记者根据“脚气神油”嘅包装信息
登录该产品嘅官方网站
发现位于山东临汾市嘅哩个企业
号称总投资达到180万
而佢哋正在诚招全国独家代理
只要一千蚊就可以做代理商
而且仲可以提供三证手续
但係，记者登录临汾市工商局网站
搜索哩个药业嘅有限公司
并冇显示任何结果
目前
张先生已经事情
反映到山东嘅有关部门
对方表示已经着手介入调查
另外
“脚气神油”嘅联系人
终于主动联系咗张先生
对方表示愿意赔偿张先生一万蚊
但係张先生并唔同意
佢话假如依然协商未果
唔排除会通过法律途径
去捍卫自己嘅权益
小编喺度就要提醒各位啦
睇病就医一定要到正规医院
进行专业检查治疗
切勿轻信街头药摊
以及随便古怪嘅偏方
防止上当受骗
伤身损财！
G4出动综合报道
网友评论